అనంతరం మాజీ ముఖ్యమంత్రి రోశయ్య మాట్లాడుతూ-‘‘ఈ సంస్థ నిర్మించిన ‘బిందాస్’ చిత్రం ఆడియోను నేనే ఆవిష్కరించాను. ఆ సినిమా విజయం సాధించింది. ఇప్పుడు ‘అహనా పెళ్లంట’ సినిమా ఆడియోను కూడా నేనే ఆవిష్కరిస్తున్నాను. ఈ సినిమా కూడా తప్పకుండా ఘనవిజయం సాధించాలని ఆకాంక్షిస్తున్నాను’’ అని ఆశాభావం వ్యక్తం చేశారు.

దర్శకుడు మాట్లాడుతూ- ‘‘అన్ని వర్గాల వారినీ ఆకట్టుకునే సినిమా ఇది. రఘు కుంచె సంగీతం ఈ సినిమాకు ప్రధాన బలం. నరేష్ సినిమాలో పెద్ద హిట్‌గా ఈ సినిమా నిలుస్తుంది. నాకీ అవకాశం ఇచ్చిన అనిల్ గారికి థ్యాంక్స్’’ అని చెప్పారు.

సంగీత దర్శకుడు కుంచె రఘు- ‘బంపర్ ఆఫర్’ తర్వాత చేస్తున్న సినిమా ఇదని, మ్యూజిక్ చాలా బాగా వచ్చిందని, నరేష్ కెరీర్‌లోనే ఇది పెద్ద మ్యూజికల్ హిట్‌గా నిలుస్తుందని’ అన్నారు.

ఎగ్జిక్యూటివ్ నిర్మాత గరికపాటి కిషోర్- షూటింగ్ పూర్తయిందని, పోస్ట్ ప్రొడక్షన్ జరుగుతోందని, ఫిబ్రవరి మొదటి వారంలో సినిమాను విడుదల చేస్తామని తెలిపారు.

ఈ చిత్రంలో డా.శ్రీహరి, డా.బ్రహ్మానందం, ఆహుతి ప్రసాద్, జయప్రకాష్‌రెడ్డి, ఎమ్మెస్ నారాయణ, కృష్ణభగవాన్, ధర్మవరపు సుబ్రహ్మణ్యం, నాగినీడు తదితరులు ఇతర పాత్రధారులు. ఈ చిత్రానికి మాటలు: శ్రీధర్ సేపన, కెమెరా: లోక్‌నాథ్, నిర్మాణం: ఏకే ఎంటర్‌టైన్‌మెంట్స్.