డైరెక్టర్ వివేక్ కృష్ణ మాట్లాడుతూ- ‘బెజవాడ అనే ఊళ్ళో గలగలా పారే కృష్ణమ్మ వుంది. మండే దుర్గమ్మ వుంది. అలాగే ఈ బెజవాడలో ప్రశాంతత మరియు ఆవేశం రెండూ వున్నాయి. ఈ రెండు భావావేశాలను మనం ఈ చిత్రంలో చూడబోతున్నాము. బెజవాడలో ఎంతో పేరు ప్రఖ్యాతులు కలిగిన గొప్పవ్యక్తులు, అలాగే రౌడీయిజం నేపథ్యం కలిగినవారు కూడా వున్నారు. బెజవాడ తెలుగు సంస్కృతి, సంప్రదాయాలకు కేంద్రంగా పేరొందినది కూడా. ఏ వ్యక్తినైనా మనం తీవ్రంగా డిస్టర్బ్ చేస్తే అతనిలోని అసమనం హద్దుల్ని దాటి బయటకు వస్తుంది. ఈ చిత్రంలో అలాంటి సన్నివేశాలు అనేకం చోటు చేసుకున్నాయి.

నాగచైతన్య యాంగ్రీ బాయ్ గా మరియు అన్ని కోణాల్లోనూ ఈ సినిమాలో కనిపిస్తాడు. ఈ చిత్రం ఒకే కోణంలో వున్న చిత్రం కాదు. కమర్షియల్ మరియు మల్టీ యాంగిల్స్ ప్లానింగ్ ప్రపోర్షన్ ను కలిగి వున్న చిత్రం. నాగచైతన్య ఈ కథకి పర్ఫెక్ట్ గా మోల్డ్ అయ్యాడు.

ఈ సినిమా పాటల్లో కొత్తదనం చూపించాలని ఇందులోని 7 పాటలకు 5మంది మ్యూజిక్ డైరెక్టర్లను ఎంచుకోవడం జరిగింది. అలాగే ఫైట్ మాస్టర్స్ని కూడా 5మందిని తీసుకోవడం జరిగింది. ప్రముఖ తమిళ నటుడు ప్రభు ఈ చిత్రంలో రెస్పెక్టబుల్ క్యారెక్టర్ ని పోషించారు. ఆయన నటించిన పాత తెలుగు చిత్రాలతో కంపేర్ చేస్తే ఈ సినిమాలో ఆయన నటన కొంచెం డిఫరెంట్ గా వుంటుంది. ఈ సినిమా కోసం మా టీమ్ మొత్తం కూడా చాలా హార్డ్ వర్క్ చేయడం జరిగింది.

కథ చెప్పగానే వర్మ ఓకె చెప్పారు. తరువాత చిత్ర నిర్మాణంలో మాకు పూర్తి స్వాతంత్ర్యాన్ని ఇచ్చారు. ఈ సినిమా నాకు మంచి విజయాన్ని అందిస్తుందని ఆశిస్తూ, ఈ నెల 3వ వారంలో ఈ చిత్రం విడుదలకు సిద్ధంగా వుందని విలేకరుల సమావేశంలో తెలిపారు.