నాగచైతన్య హీరోగా, అజయ్‌భుయాన్ దర్శకత్వంలో డి.శివప్రసాదరెడ్డి నిర్మిస్తున్న చిత్రం ‘దడ’. దేవిశ్రీ ప్రసాద్ సంగీతం సమకూర్చిన ఈ చిత్రం పాటలను సోమవారం రాత్రి హైదరాబాద్‌లో విడుదల చేశారు. ఈ కార్యక్రమానికి అతిథిగా విచ్చేసిన అక్కినేని పై విధంగా స్పందించారు. ఆడియో సీడీని అక్కినేని ఆవిష్కరించి, తొలి ప్రతిని డా.డి.రామానాయుడికి అందించారు. ‘100%లవ్’ చిత్రాన్ని మించిన విజయాన్ని ఈ చిత్రం సాధించాలని, మా సురేష్ సంస్థలో త్వరలోనే చైతూ నటించనున్నాడని రామానాయుడు చెప్పారు.

నాగచైతన్య మాట్లాడుతూ- ‘‘‘జోష్’ చేస్తున్నప్పుడే ‘దడ’ గురించి శివప్రసాదరెడ్డిగారు చెప్పారు. దర్శకుడు అజయ్ నాకు మంచి మిత్రుడు. మంచి ఎనర్జీ ఉంది అతనిలో. రెడ్డిగారి అభిరుచికి తగ్గట్టుగా, తన స్టైల్‌లో ఈ సినిమాని సూపర్బ్‌గా తీశాడు. ఇక దేవిశ్రీ.. నాన్నగారికి మాస్, మన్మథుడు, కింగ్ లాంటి ఆల్బమ్స్ ఇచ్చాడు. ఇక నా ‘100% లవ్’కి ఎలాంటి మ్యూజిక్ ఇచ్చాడో తెలిసిందే. ‘దడ’ నా కెరీర్‌లోనే బెస్ట్ ఆడియో అవుతుంది’’ అని తెలిపారు.

‘‘40 ఏళ్ల క్రితం దసరాబుల్లోడు, ప్రేమనగర్ సెన్సేషన్ క్రియేట్ చేశాయి. 20 ఏళ్ల క్రితం గీతాంజలి, శివ సంచలనం సృష్టించాయి. ఈ ఏడాది 100%లవ్, దడ చిత్రాలతో పాత చరిత్రను చైతూ పునరావృతం చేయబోతున్నాడు. చైతన్యలోని మరోకోణాన్ని ఇందులో చూస్తారు. ఆగస్ట్ 12న ‘దడ’ను విడుదల చేస్తాం’’ అని నిర్మాత తెలిపారు. ఇంకా అల్లు అరవింద్, రానా, సుశాంత్ అఖిల్, అచ్చిరెడ్డి కూడా ఈ కార్యక్రమంలో పాల్గొన్నారు.