దర్శకురాలు మాట్లాడుతూ -‘‘పిల్లల్ని ప్రేమగా పెంచడమే కాదు. వారికి తల్లిదండ్రులు స్వేచ్ఛనివ్వాలి. యువత కూడా ఆ స్వేచ్ఛను దుర్వినియోగం చేయకూడదు. ఈ నేపథ్యంలో సందేశాన్ని, వినోదాన్ని మిళితం చేసి ఓ అందమైన ప్రేమకథగా ఈ చిత్రాన్ని తీర్చిదిద్దాం. స్వరకల్పన కూడా నేనే చేశాను. పాటలు చాలా బాగా వచ్చాయి. త్వరలోనే చిత్రాన్ని విడుదల చేస్తాం’’ అని తెలిపారు.

ఈ సినిమాతో తనకు నటునిగా మంచి పేరు వస్తుందని హీరో అజయ్ చెప్పారు. ఇలాంటి మంచి కాన్సెప్ట్ ఉన్న సినిమాలను ప్రేక్షకులు ఆదరించాలని పి. చంద్రశేఖర్‌రెడ్డి పేర్కొన్నారు. ఈ కార్యక్రమంలో ఇంకా డా.శ్రీధర్, కృష్ణవంశీ, ప్రకాష్ భరద్వాజ్, బాబూరావు, రౌనత్, ఉమేష్, నిరంజన్ తదితరులు మాట్లాడారు.