దాసరి తొలిసిడిని ఆవిష్కరించి కథానాయకుడు ఆదికి అందించారు. అనంతరం దాసరి మాట్లాడుతూ ‘సాయికుమార్‌ కుటుంబం చిత్రపరిశ్రమకే అంకితమైంది. ఆయన తల్లిదండ్రులు, సోదరులు అంతా తెలుగు పరిశ్రమకు చెందిన కుటుంబం. నేడు తనయుడు ఆదిని హీరోని చేస్తున్నాడు. ఇక్కడ ఓ హీరోని పరిచయం చేయడం సామాన్య విషయం కాదు. సామాన్యులు హీరోలు అవ్వడం అనేది చాలా అరుదు. 50ఏళ్లుగా సినిమాకి సేవ చేస్తున్న ఈ కుటుంబం నుంచి వస్తున్న హీరోని కచ్ఛితంగా మనం ఆదరించాలి. అది మనం ఇచ్చే కానుక. అదేవిధంగా ఆదిని ప్రమోట్‌ చేస్తున్న ఆర్‌.ఆర్‌ సంస్థ సేవాకార్యక్రమాల్లో ఎప్పుడూ ముందుంటుంది. ఇలాంటి అరుదైన సంస్థనుంచి ఆది హీరోగా పరిచయం కావడం అదృష్టం’ అన్నారు.

జయసుధ మాట్లాడుతూ ‘సాయికి తల్లిగా నటించాను. ఆ అభిమానంతో ఆది సినిమాలో ఒకే సన్నివేశం అయినా..నటించాను’ అన్నారు.

బ్రహ్మానందం మాట్లాడుతూ ‘ఆది డాన్సులు, ఫైట్లు సహా అభినయం బాగా పండించాడు. కలిసి చేసిన కొన్ని సన్నివేశాల్లో అతడిని స్పష్టంగా పరిశీలించాకే ఇది చెబుతున్నా. మంచి భవిష్యత్‌ ఉంది’ అన్నారు. యువకథానాయకులంతా ఆదికి శుభాకాంక్షలు అందిస్తూ.. డాన్సుల్లో విశేష ప్రతిభ ఉన్న ఆది హీరోగా సక్సెసవ్వాలని ఆకాంక్షించారు.

ఆది మాట్లాడుతూ ‘అనూప్‌ సంగీతం అద్భుతం. నన్ను సినిమాకి పరిచయం చేస్తున్న పెద్దలు, శ్రేయోభిలాషులందరికీ ధన్యవాదాలు. నాకు మీ అందరి -ప్రేమకావాలి’ అన్నారు.

అదే వేదికపై..ఎస్వీ కృష్ణారెడ్డి సినిమా బ్రోచర్‌ను ఆవిష్కరించారు. రూ.10లక్షలను ఆర్‌.ఆర్‌ సంస్థ కేన్సర్‌ రోగుల సహాయార్థం దాసరి చేతులమీదుగా అందించింది. ఎయిర్‌టెల్‌ ‘యూత్‌స్టార్‌’ అవార్డులు అందుకున్న విజయ్‌, సూర్యకార్తిక్‌, రవి, మానిక్‌, అభిరామ్‌, శారదా రాణి..విదేశీ పర్యటనకు ఎంపికయినట్లు టీమ్‌ ప్రకటించింది.