సముద్ర మాట్లాడుతూ- ‘ఈ సినిమా పాటలు ట్రైలర్స్ చూశాము. ఈ చిత్ర దర్శకుడు మనదేశం గర్వించదగ్గ గొప్ప ఛాయాగ్రహకుడు. ఆయన ఈ సినిమాను ఎంతో కష్టపడి చేశారని తెలిసింది. ఒక మంచి టీమ్ శ్రమకు తగ్గ ఫలితమే ఈ సినిమా. ఈ బేనర్ నుండి ఎన్నో మంచి చిత్రాలు తెలుగులోకి అనువదించబడ్డాయి’ అన్నారు.

పృథ్వీరాజ్‌ మాట్లాడుతూ- ‘దర్శకుని డ్రీమ్‌ ప్రాజెక్ట్‌ ఇది! ప్రపంచ యవనికపై మలయాళ సినిమా జయకేతనం ఎగురవేయాలనే ఆలోచనతోనే చేశారీ సినిమా’ అన్నారు.

సంతోష్‌శివన్‌ మాట్లాడుతూ- ‘ఎక్కువ సినిమాలు స్వాతంత్య్ర పోరాటంపైనే తీశారు. అయితే మనదేశానికి వాస్కోడిగామా ఎలా వచ్చాడనే కొత్త పాయింట్‌తో ఈ సినిమా తెరకెక్కించాం. వినోదం అలరిస్తుంది. తెలుగుప్రేక్షకుల ఆదరణ లభిస్తుందని ఆశిస్తున్నా’ అన్నారు.

శోభారాణి మాట్లాడుతూ- ‘హీరో ఆర్య చొరవతో ఈ సినిమా హక్కులు దక్కించుకోగలిగాను. ఉరుమి.. ఓ వైవిధ్యమైన ఆయుధం. సినిమాలో ఓ పాత్ర అదే! కేరళలో చిన్న గ్రామాల్లో సైతం తెల్లవారిని ఎదురించిన యోధులుండేవారట. నాటి తెల్లదొరల దురాగతాలు.. వాస్కోడిగామా క్రూరత్వం..తెరపై చూపించారు. సంతోష్‌ శివన్‌ మార్క్‌ సినిమా ఇది.