ఈ సందర్భంగా దర్శకుడు భారవి మాట్లాడుతూ "శ్రీహరి, వాళ్లబ్బాయి మేఘాంశ్ ఈ సినిమాలో నటిస్తున్నారు. ఇంతవరకు చేయనటువంటి పాత్ర శ్రీహరిది. చిత్రంలో 16 పాటలున్నాయి. నాగ్ శ్రీవత్స అద్భుతంగా బాణీలు కట్టారు. కేరళ, కాశీ, ప్రయాగ, మధుర, తిరుపతి వంటి ప్రదేశాల్లో షూటింగ్ జరుపుతాం. బాల నటుడి నుంచి మలయాళంలో హీరోగా ఎదిగి ఎంతో పేరు తెచ్చుకున్న కౌశిక్ ఈ చిత్రంలో శంకరాచార్య పాత్ర చేస్తున్నారు'' అని చెప్పారు. ఈ చిత్రంలో నటించడాన్ని అదృష్టంగా భావిస్తున్నానని శ్రీహరి చెప్పారు. ఈ చిత్రానికి అత్యున్నత విలువలతో కూడిన సంగీతం సమకూడిందని గేయ రచయిత వేదవ్యాస అన్నారు. పీఠాధిపతులు, బ్రహ్మకుమారి సునీత ఈ చిత్రం విజయవంతం కావాలని ఆశీర్వదించారు.

అలీ, మురళీమోహన్, శ్రీధర్, వాసు, గిరీశ్ కర్నాడ్, ప్రకాశ్‌రాజ్, తనికెళ్ల భరణి, మీనా, జయప్రద, కోవై సరళ, వినయ ప్రసాద్, శివపార్వతి, హేమ, సుధ, మంజుభార్గవి, శరత్‌బాబు, నాజర్, ధర్మవరపు సుబ్రహ్మణ్యం, ఏవీస్, ఎల్బీ శ్రీరాం, వేణుమాధవ్, జయప్రకాశ్‌రెడ్డి. ఆశిష్ విద్యార్థి, ఎమ్మెస్ నారాయణ, రఘుబాబు, అశోక్‌కుమార్, మాస్టర్ వంశీ, మాస్టర్ తేజ, బేబి హరిత, బేబి సౌమ్య తారాగణమైన ఈ చిత్రానికి పాటలు: ఆది శంకరాచార్య, వేదవ్యాస, జె.కె.భారవి, ఛాయాగ్రహణం: పి.కె.హచ్.దాస్, ఎగ్జిక్యూటివ్ డైరెక్టర్: ఉదయభాస్కర్, కథ-మాటలు-స్క్రీన్‌ప్లే-దర్శకత్వం: జె.కె.భారవి.