హీరో శివాజి మాట్లాడుతూ- ‘చిన్న సినిమాలు అరుదుగా వస్తున్న సందర్భమిది. ఈ సినిమా మా రెగ్యులర్‌ కాంబినేషన్‌లోనే రూపొందుతోంది. హాస్యం, భావోద్వేగాలతో మంచి వినోదాన్నందిచే కథాంశంతో తెరకెక్కనుంది. టాటా బిర్లా.., అదిరిందయ్యా చంద్రం తరహాలో ఉంటుంది. శ్రీలేఖ సంగీతం ప్రధాన అస్సెట్‌’ అన్నారు. నిర్మాత తిరుపతిరావు మాట్లాడుతూ ‘వినోదం సహా కుటుంబ సెంటిమెంట్‌ మేళవించిన చిత్రమిది. యువదర్శకుడిని పరిచయం చేస్తున్నాం’ అన్నారు. దర్శకుడు మాట్లాడుతూ ‘10 సంవత్సరా లు సహాయదర్శకుడిగా, అసోసియేట్‌గా పనిచేసిన అనుభవముంది. తొలి అవకాశమిచ్చిన హీరో శివాజి, నిర్మాతలకు కృతజ్ఞతలు. మార్చి నెలాఖరున చిత్రీకరణ ప్రారంభించనున్నాం. సింగిల్‌ షెడ్యూల్‌లో పూర్తిచేసి, జూన్‌లో రిలీజ్‌ చేస్తాం’ అన్నారు. నిర్మాణ సారథి సోమా విజయ ప్రకాష్‌ మాట్లాడుతూ ‘శివా జితో12 సినిమాలు చేశాను. అన్నీ విజయం సాధిం చాయి. అదే కోవలో మంచి చిత్రమిది’ అన్నారు.