ఇది ఓ అందమైన ప్రేమకథ. మామూలుగా ఇప్పటివరకు రామ్ చేసిన చిత్రాలను చూసి ‘ఇలాంటి కుర్రాడు మనింట్లో ఉంటే బాగుంటుంది’ అనుకునేవారు. కానీ ఈ సినిమాలో మాత్రం తన పాత్రని చూసి.. ఇలాంటి కుర్రాడు వద్దు అనుకుంటారు. తన పాత్ర అంత అల్లరిగా ఉంటుంది’’ అన్నారు. రామ్ మాట్లాడుతూ -‘‘ఇలాంటి దర్శకుడు, నిర్మాత, రచయిత, నటీనటులు, సాంకేతిక నిపుణులతో పని చేయాలని కొంతమందిని చూసినప్పుడు అనిపిస్తుంది. అలా నేను ఎవరెవర్ని అనుకున్నానో వారందరితో కలిసి నా హోమ్ బేనర్‌లో ఈ చిత్రం చేయడం ఆనందంగా ఉంది. నేను కరుణాకరన్‌గారికి అభిమానిని. ఇది నా డ్రీమ్ ప్రాజెక్ట్. ఇందులో కోన వెంకట్ విలన్‌గా నటిస్తున్నారు’’ అన్నారు.

‘‘ఈ సంస్థ నిర్మించిన ‘రెడీ’లో చిన్న రోల్ చేశాను. ఆ పాత్రకు సంబంధించిన చిత్రీకరణ ఒక రోజులో ముగిసింది. ఈ సంస్థలో కథానాయికగా చేసే అవకాశం వస్తే బాగుంటుందన్న నా కోరిక ఈ చిత్రంతో తీరుతోంది’’ అని తమన్నా అన్నారు. రవికిషోర్ మాట్లాడుతూ -‘‘గత ఏడాది జూలైలో కరుణాకరన్... ఈ చిత్రానికి సంబంధించిన 40 సన్నివేశాలను చెప్పారు. చాలా బాగున్నాయనిపించింది. కానీ మొదటి సీన్ నుంచి చివరి సీన్ వరకు సంపూర్ణంగా సిద్ధం చేసుకున్న తర్వాత సినిమాని ఆరంభిద్దామని, 9 నెలలు టైమ్ కావాలని అడిగారు కరుణాకరన్.

ఆయనకు ఉన్న నిబద్దతకు నిదర్శనం ఇది. జూలైలో రెగ్యులర్ షూటింగ్ చేస్తాం’’ అన్నారు. ఈ చిత్రానికి మాటలు: కోన వెంకట్, పాటలు: రామజోగయ్య శాస్ర్తి, శ్రీమణి, సంగీతం: జి.వి.ప్రకాష్‌కుమార్, కెమెరా: ఐ.ఆండ్రూ, ఎడిటింగ్: కోటగిరి వెంకటేశ్వరరావు, ఫైట్స్: పీటర్ హెయిన్స్, సమర్పణ: పి.కృష్ణచైతన్య.