'హ్యాపీడేస్' ఫేం వరుణ్సందేశ్ కథానాయకుడిగా రూపొందుతోన్న చిత్రం 'హ్యాపీ హ్యాపీగా'. వేగ, శరణ్యమోహన్
నాయికలుగా నటిస్తున్న ఈ సినిమాకి ప్రియా శరణ్ దర్శకుడు. రంజిత్ మూవీస్ సమర్పణలో ఓషియన్
ఫిలిమ్స్ పతాకంపై వడ్లమూడి దుర్గాప్రసాద్ ఈ చిత్రాన్ని నిర్మిస్తున్నారు.
ప్రస్తుతం షూటింగ్ దశలో వున్న ఈ చిత్రం విశేషాలను నిర్మాత తెలియజేస్తూ " తమిళ 'బిల్లా' దర్శకుడు
విష్ణువర్థన్, ఎడిటర్ మోహన్ తనయుడు, దర్శకుడు రాజా వద్ద దర్శకత్వ శాఖలో పనిచేసిన ప్రియాశరణ్
చెప్పిన కథలోని నవ్యత, వైవిధ్యం నచ్చి ఈ చిత్రానికి శ్రీకారం చుట్టాం. నేటి యువతరం మెచ్చే విధంగా సినిమా
వుంటుంది. సంగీత దర్శకుడు మణిశర్మ తన బాణీలతో పాటు ఆశ్శీస్సులు కూడా ఈ చిత్రానికి
అందజేస్తున్నారు.
ప్రేమకథా చిత్రాల్లో సరికొత్తగా నిలిచే విధంగా చిత్రం వుంటుంది. జూన్లో చిత్రాన్ని ప్రేక్షకుల ముందుకు
తీసుకురావటానికి సన్నాహాలు చేస్తున్నాం' అన్నారు. అలీ, ఎం.ఎస్.నారాయణ, బొమ్మాళి రవి, రాజాశ్రీధర్,
రంజిత, తెలంగాణ శకుంతల తదితరులు ముఖ్యపాత్రలు పోషిస్తున్న ఈ చిత్రానికి మాటలు: అనిల్ రావిపూడి,
పాటలు: సిరివెన్నెల సీతారామశాస్త్రి, కెమెరా: వెంకి.ఎ.దర్శన్, ఎడిటర్: కె.వి.కృష్ణారెడ్డి, ఎగ్జిక్యూటివ్ నిర్మాత:
వివేకానంద కూచిభొట్ల.
