ఈ సందర్భంగా శుక్రవారం ఏర్పాటు చేసిన పాత్రికేయుల సమావేశంలో దర్శకుడు మాట్లాడుతూ - ‘‘బాబా మహిమలను తెలిపే చిత్రం ఇది. సాయి ఖండ యోగా సాధన చేసేవారనే సంగతి తెలిసిందే. అయితే ఇప్పటివరకు సాయిబాబా జీవిత చరిత్రతో రూపొందిన ఏ సినిమాలోనూ ఆ సాధనను చూపించలేదు. ఈ చిత్రంలో ఆ అంశాన్ని చూపించబోతున్నాం.త్వరలో సెన్సార్ పూర్తి చేసి, అక్టోబర్ రెండో వారంలో సినిమాని విడుదల చేయబోతున్నాం’’ అన్నారు. ఇప్పటివరకు ప్రముఖ నటులు పలువురు నానావలి పాత్రను చేశారు. ఈ పాత్రను నాదైన శైలిలో అందరి మెప్పు పొందే విధంగా చేశాను అని రాజ్‌కుమార్ చెప్పారు. ఈ చిత్రంలో కోట శంకర్‌రావు, సుత్తివేలు, విశ్వేశ్వరరావు, నారాయణరావు, బాలాజి తదితరులు నటించారు.