తనలోని నటనను, సంగీతాన్ని, దర్శకత్వాన్ని ఒకే సినిమాలో ఆవిష్కరించే ప్రయత్నం చేస్తున్నారు ఆర్పీ
పట్నాయక్. ఆయన ప్రధాన పాత్రలో నటిస్తూ, దర్శకత్వం వహిస్తున్న చిత్రం 'బ్రోకర్'. శ్రీహరి ఓ కీలకపాత్రను
పోషిస్తున్న ఈ సినిమాని మద్దినేని రమేష్ నిర్మిస్తున్నారు. ఈ సినిమాకి సంబంధించిన ఓ పాటను హైదరాబాద్లో కౌష,
ఆర్పీ, ఇతర డ్యాన్సర్లపై చిత్రీకరిస్తున్నారు.
ఈ సందర్భంగా ఏర్పాటు చేసిన పాత్రికేయుల సమావేశంలో పట్నాయక్ మాట్లాడుతూ "బ్రోకర్ల కార్యకలపాలు ఎలా
వుంటాయి, వాళ్ళు చేసుకునే పార్టీలు ఎలా వుంటాయి? అనే కాన్సెప్ట్తో ఈ పాటను చిత్రీకరిస్తున్నాం.
'గాజువాక పిల్లా' తర్వాత మళ్ళీ ఆ స్థాయిలో నాకు ఈ పాట పేరు తెచ్చిపెడుతుంది' అన్నారు. జూన్లో సినిమాని
ప్రారంభించి 40 రోజుల్లో సినిమాని పూర్తిచేశామని, సెప్టెంబర్ 2 నుంచి మూడు రోజుల పాటు శ్రీహరిపై చిత్రీకరించే
సన్నివేశాలతో షూటింగ్ పూర్తవుతుందని నిర్మాత చెప్పాడు. మయూరి నాయికగా నటిస్తున్న ఈ చిత్రానికి సమర్పణ:
వెంకట్ వర్ధినేని.
