దర్శకుడు గోవింద్‌ వరహా మాట్లాడుతూ... 'నిర్మాతలు నాకు ఇచ్చిన సదవకాశాన్ని నేను సద్వినియోగం చేసుకున్నాను. చిత్రం చాలా బాగా వచ్చింది. ఇటీవల విడుదలైన ట్రైలర్స్‌కు, ఆడియోకు ప్రేక్షకుల నుండి అద్భుతమైన స్పందన వచ్చింది. ఖచ్చితంగా ఈ చిత్రం కూడా మీ అందర్నీ అలరిస్తుందని' అన్నారు.

నిర్మాత బాలప్రకాష్‌ మాట్లాడుతూ... 'మంచి సందేశంతో కూడుకున్న ఈ ప్రేమకథా చిత్రం చాలా అందంగా తెరకెక్కింది. ప్రస్తుతం నిర్మాణాంతర కార్యక్రమాల్లో భాగంగా డి.టి.యస్‌ జరుపుకుంటున్న మా సినిమాని సెప్టెంబర్‌ 9న విడుదలచేయడానికి సన్నాహాలు చేస్తున్నాము' అన్నారు.

నటుడు ప్రకాష్‌ భరద్వాజ్‌ మాట్లాడుతూ... 'నేను కూడా ఇందులో భాగస్వామిని. ఈ చిత్రం అందంగా, సహజంగా, హాయిగా వుంటుంది. ఎన్ని ప్రేమకథలు వచ్చినా కొన్నిటికే ప్రేక్షకుల మదిలో సుస్ధిర స్ధానాన్ని సంపాదించుకుంటాయి. ఆ కొన్నిటిలో మా చిత్రం కూడా వుండాలని నిశ్చయంతో ఈ చిత్రాన్ని తెరకెక్కించాము. రష్‌ చాలా అద్భుతంగా వుంది. చిన్నిచరణ్‌ ఫెంటాస్టిక్‌ మ్యూజిక్‌నిచ్చాడు' అన్నారు.