తనకు ఊహ కూడా తెలియని వయసులో తన తండ్రిని అత్యంత కిరాతంగా చంపడమే కాకుండా... తమ గ్రామాన్ని నామరూపాల్లేకుండా చేసి, తమ తెగకు చెందినవారందర్నీ తెగనరికి చంపినవారిపై హీరో ఎలా ప్రతీకారం తీర్చుకున్నాడనేది ‘ఒక్క వీరుడు’ చిత్రం ప్రధానాంశమని శరద్ జోషి వివరిస్తున్నారు. హీరోని నేరుగా ఎదుర్కోలేక... విలన్లు తాంత్రిక శక్తుల సహకారం సైతం తీసుకుంటారని, ఆ తాంత్రిక శక్తుల్ని కూడా హీరో ఎలా ఎదుర్కొన్నాడు? వారిని ఏవిధంగా హతమార్చాడు? అన్నది సాంకేతిక ప్రమాణాలు, రాజీ లేని నిర్మాణ విలువలతో రూపొందిన ఈ చిత్రం యాక్షన్ చిత్రాలను ఇష్టపడే తెలుగు ప్రేక్షకుల్ని అమితంగా అలరిస్తుందని, ఈ చిత్ర కథాకథనాలను సిద్ధం చేసుకోవడం కోసం దాదాపు ఏడేళ్లు దర్శకనిర్మాతలు అవిశ్రాంతంగా కృషి చేసారని నిర్మాత శరద్ జోషి చెబుతున్నారు. 400 కోట్ల రూపాయల భారీ వ్యయంతో నిర్మాణమైన ఈ ప్రతిష్టాత్మక చిత్రాన్ని తమ ‘హీరా ఫిలింస్ ప్రయివేట్ లిమిటెడ్’ పతాకంపై విడుదల చేసే అవకాశం లభించినందుకు నిర్మాత శరద్ జోషి ఆనందాన్ని వ్యక్తం చేస్తున్నారు!