ఈ చిత్రం వివరాలను సురేష్ వెల్లడిస్తూ ' తల్లితండ్రులతో ఆనందంగా జీవించే ఓ యువకుని జీవితంలో అనుకోని ఓ సంఘటన చోటు చేసుకుంటుంది. ఆ సంఘటన అతని జీవితాన్ని మార్చివేస్తుంది. ఆ యువకుని తల్లితండ్రులు హత్యకు గురవుతారు. ఆ షాక్ నుంచి తేరుకొనే లోపల హత్యానేరంపై జైలుకు వెళ్లాల్సి వస్తుంది. అక్కడ నలుగురు క్రిమినల్స్ అతనికి పరిచయమవుతారు. వారి సాయంతో తన తల్లితండ్రులను చంపిన వారిపై ఆ యువకుడు ఎలా పగ తీర్చుకున్నాడన్నది తరవాతి కథాంశం. లవ్, యాక్షన్ సన్నివేశాలతో ఆసక్తికరంగా ఈ సినిమా సాగుతుంది. త్వరలో ఈ సినిమాను విడుదల చేస్తాం' అన్నారు.

ఈ చిత్రానికి సంగీతం: గణేష్ రాఘవేంద్ర, ఫొటోగ్రఫీ: శక్తి, ఎడిటింగ్: ఆంథోని, సహనిర్మాత: బత్తుల సత్యనారాయణ, నిర్మాత: సురేష్ కొండేటి, దర్శకత్వం: పన్నీర్ సెల్వం.