హీరో, హీరోయిన్ సంతోష్, ఆకర్షలఫై తొలి సన్నివేశాలను చిత్రీకరించారు. దర్శకుడు పి చంద్రశేఖర రెడ్డి మాట్లాడుతూ- గతంలో మంచి ఫ్యామిలీ చిత్రాలు అందించిన నేను ఇప్పటి యువ ప్రేక్షకుల అభిరుచికి అనుగుణంగా ఉత్సాహం, ఉత్కంట, ఆకర్షణ కలిసిన ఈ చిత్రాన్ని చేస్తున్నాను. 'నిన్ను కలిసాక' లో చేసిన సంతోష్ ఇందులో హీరోగా, నలుగురు అందమైన బొంబాయి అమ్మాయిలూ ఇందులో ప్రధాన పాత్రల్లో నటిస్తున్నారు. రెండుసార్లు నంది అవార్డ్ లు అందుకున్న సుధాకర్ రెడ్డి ఫోటోగ్రఫీతో పాటు, పలువురు ప్రముఖ సాంకేతిక నిపుణులు ఈ చిత్రాన్ని మంచిస్థాయిలో రూపొందించడానికి కృషి చేస్తున్నారని అన్నారు . నిర్మాత ఆర్.వేంకటేశ్వరరావు మాట్లాడుతూ- అనుభవజ్ఞుడు అయిన చంద్రశేఖర రెడ్డి దర్శకత్వంలో ఈ చిత్రం నిర్మిస్తున్నందుకు చాలా ఆనందం గా ఉంది. గతంలో వచ్చిన హార్రర్ చిత్రాలకు భిన్నంగా ఈ చిత్రం ఉంటుంది. ఆసక్తిని రేకెత్తించేలా దీన్ని రూపొందిస్తున్నాము. చిత్రం పూర్తయ్యేవరకు సింగిల్ షెడ్యూల్ లో పూర్తి చేస్తామని అన్నారు. హీరో సంతోష్ మాట్లాడుతూ- ప్రేమ, భయం అనే అంశాలు యువ ప్రేక్షకులను ఎక్కువగా ఆకట్టుకుంటాయి. ప్రేమ, భయం సమపాళ్ళలో కలిపి డిఫరెంట్ గా ఈ చిత్రాన్ని చేస్తున్నారని అన్నారు.

సంతోష్ సామ్రాట్, ఆకర్ష, సుత్తివేలు, శ్రుతి, ద్వారకేష్, శశాంక్, బొంబాయి రవి, డాక్టర్ ప్రభు, శ్రావణి నటిస్తున్న ఈ చిత్రం లో అమిత్ కుమార్ విలన్ గా చేస్తున్నారు. మాటలు: వట్రపు సత్యా రెడ్డి, ఫోటోగ్రఫి: సుధాకర్ రెడ్డి, సంగీతం: శశి ప్రీతం, ఎడిటింగ్: కె.రవీంద్రబాబు, ప్రొడక్షన్ ఎగ్జిక్యుటివే: ఉల్లగంటి ప్రసాద్, నిర్మాత ఆర్.వేంకటేశ్వరరావు, కధ, స్క్రీన్ ప్లే, దర్శకత్వం: పి.చంద్రశేఖర రెడ్డి.