ఈ చిత్రం ప్రెస్‌మీట్ హైదరాబాద్‌లో జరిగింది. కమలాకర్ మాట్లాడుతూ-‘‘ ‘పోలీస్‌స్టోరీ’ తరహాలో సాయికుమార్ ఇందులో పవర్‌ఫుల్ రోల్ చేశారు. రీమిక్స్ సాంగ్ ‘వంగతోట మలుపు కాడ...’కు మంచి రెస్పాన్స్ వచ్చింది. చిన్నా రీ-రికార్డింగ్ అద్భుతం. ఇందులో నాది సాధారణ యువకుని పాత్ర. సినిమాను ఇంత మంచి హిట్ చేసిన ప్రేక్షకులకు మా ధన్యవాదాలు’’ అని తెలిపారు. దర్శకుడు మాట్లాడుతూ- ‘‘ప్రేక్షకులు వైవిధ్యానికి ఎప్పుడూ పెద్ద పీట వేస్తారనడానికి ఈ సినిమా ఒక నిదర్శనం. మాస్, యూత్ ఈ సినిమాని బాగా ఎంజాయ్ చేస్తున్నారు. ఈ సినిమాతో మంచి జాబ్ శాటిస్‌ఫాక్షన్ లభించింది’’ అని అన్నారు. ఈ విజయం పట్ల సంగీత దర్శకుడు చిన్నా, ఫైట్ మాస్టర్ నందు తమ సంతోషం వెలిబుచ్చారు.