‘సంక్రాంతి’ చిత్రం తర్వాత మరోసారి వెంకటేశ్, శ్రీకాంత్ కలిసి నటిస్తున్న చిత్రం ఇది. మెహర్ రమేష్ దర్శకత్వంలో రూపొందుతున్న ఈ చిత్రంలో తాప్సీ, మధురిమ కథానాయికలు. హీరో, హీరోయిన్లపై తీసిన ముహూర్తపు దృశ్యానికి డా.డి.రామానాయుడు కెమెరా స్విచాన్ చేయగా, వీవీ వినాయక్ క్లాప్ ఇచ్చారు. అనంతరం వెంకటేశ్ మాట్లాడుతూ - ‘‘ఇది కమర్షియల్ ఎంటర్‌టైనర్. నా కెరీర్‌లో చెప్పుకోదగ్గ సినిమా అవుతుంది. శ్రీకాంత్ కూడా మంచి పాత్ర చేస్తున్నాడు.

ఈ సినిమా అందరికీ మంచి పేరు తెచ్చిపెడుతుందని ఆశిస్తున్నాను’’ అన్నారు. మెహర్ రమేష్ మాట్లాడుతూ -‘‘కెరీర్ మొదలైన తక్కువ సమయంలోనే వెంకటేశ్‌లాంటి స్టార్ హీరోతో పనిచేయడం ఆనందంగా ఉంది. కథ రీత్యా ఈ చిత్రా టన్ని అధిక భాగం ఆస్ట్రేలియాలోని సిడ్నీ, మెల్‌బోర్న్‌లలో చిత్రీకరిస్తాం. ముంబై, హైదరాబాద్‌లలో కూడా కొంత భాగాన్ని షూట్ చేస్తాం’’ అని తెలిపారు. ‘‘వెంకటేశ్ లుక్ బాలీవుడ్ తరహాలో ఉన్నా.. ఇది పరిపూర్ణమైన తెలుగు సినిమా.

మెహర్ రమేష్ తరహాలో స్టైలిష్‌గా ఈ సినిమా ఉంటుంది’’ అని రచయిత కోన వెంకట్ చెప్పారు. నాగబాబు, ధర్మవరపు సుబ్రహ్మణ్యం, ఎమ్మెస్ నారాయణ, జయప్రకాష్‌రెడ్డి, ఆదిత్యమీనన్, ముఖేష్‌రుషి, ప్రభు, సూర్య, ఉత్తేజ్, రావు రమేష్ తదితరులు నటిస్తున్న ఈ చిత్రానికి కథ: కోన వెంకట్, గోపీమోహన్, మాటలు: కోన వెంకట్, మెహర్మ్రేష్, సంగీతం: తమన్, కెమెరా: ప్రసాద్ మూరెళ్ల, ఎడిటింగ్: మార్తాండ్ కె.వెంకటేష్, ఆర్ట్: ప్రకాష్.