సుమన్ మాట్లాడుతూ - ‘‘మధ్యవయసులో ఉన్న ఇద్దరు కొన్నాళ్ల ఎడబాటు తర్వాత కలిసి, వారి గతాన్ని గుర్తుకు తెచ్చుకున్నప్పుడు ఎలాంటి అనుభూతికి లోనవుతారనేది ఈ చిత్రం ప్రధానాంశం. వృద్ధులకు మెసేజ్‌తో పాటు వారి మనసుని మసాజ్ చేసే చిత్రం’’ అన్నారు. దర్శకురాలు హైమారెడ్డి మాట్లాడుతూ - ‘‘మహిళా టెక్నీషియన్స్‌తో రూపొందుతున్న ఈ చిత్రకథ మాత్రం మహిళలకు సంబంధించినది కాదు. పరిణతి చెందిన ప్రేమ కథాంశంతో ఈ చిత్రాన్ని తెరకెక్కిస్తున్నాం’’ అన్నారు.

‘‘ఈ సినిమా ద్వారా వచ్చే లాభాల్లో 20 శాతం వృద్ధ కళాకారుల కోసం కేటాయిస్తాం’’ అని నిర్మాత చెప్పారు. ఈ చిత్రానికి సంగీతం: కౌసల్య, ఫొటోగ్రఫి: విజయలక్ష్మి, పాటలు: కౌసల్య, శ్రేష్ట, డాన్స్: పూజా జోషి, మోరిచ ఫెర్నాండెజ్, ఆడియోగ్రఫి: ఎమ్. గీతాగురప్ప, ఎడిటింగ్: ముత్తులక్ష్మి, కాస్ట్యూమ్ డిజైనర్: జయంతి, మేకప్: శోభ, ఆర్ట్: లీలాచంద్ర.