నటుడు శివాజీ నిర్మిస్తున్న చిత్రం 'తాజ్మహల్'. కన్నడంలో గత ఏడాది సూపర్హిట్ అయిన చిత్రాన్ని అదే పేరుతో రీమేక్ చేస్తున్నారు. శ్రీ శివాజీ ప్రొడక్షన్స్పై అరుణ్ సింగరాజును దర్శకునిగా పరిచయం చేస్తున్నారు. ఈ చిత్రం షూటింగ్ పూర్తయి ప్రస్తుతం గ్రేడింగ్ వర్క్ జరుగుతోంది. రామానాయుడు స్టూడియోలో జరిగిన కార్యక్రమంలో డి.రామానాయుడు 'తాజ్మహల్' లోగోను ఆవిష్కరించారు.
ఈ సందర్భంగా ఆయన మాట్లాడుతూ- సురేష్ ప్రొడక్షన్స్లో 'తాజ్మహల్' నిర్మించాననీ, ఎంతో హిట్ అయిందనీ, ఈ చిత్రమూ అంత సక్సెస్ కావాలనీ ఆకాంక్షించారు. తాను ఈ చిత్రంలో చిన్న వేషం వేశాననీ చెప్పారు.
శివాజీ మాట్లాడుతూ- 'చిత్ర దర్శకుడు అరుణ్ సాప్ట్వేర్ రంగానికి చెందినవాడైనా చిత్రరంగంపై శ్రద్ధతో అమెరికాలో ఇన్స్టిట్యూట్లో చేరాడు. నేను ఇంతకుముందు చేసిన 'ఇందుమతి' చిత్రానికి పనిచేశాడు. ఈ సినిమాకు కొత్తదర్శకుడు అయితే బాగుంటుందని అరుణ్ను పెట్టాం. చక్కని ప్రేమకథా చిత్రంగా ఒరిజినల్ వెర్షన్ ఏమాత్రం చెడిపోకుండా జాగ్రత్తగా డీల్ చేశాం' అని తెలిపారు. నవంబర్ 2న దాసరి చేతులమీదుగా ఆడియోను ఆవిష్కరిస్తున్నాం. అదేనెలలో సినిమాను విడుదల చేస్తున్నాం' అని చెప్పారు.ఇంకా ఈ చిత్రలో కోటశ్రీనివాసరావు, జీవా, కల్పన తదితరులు నటిస్తున్నారు. సంగీతం:అభిమాన్, కెమెరా: వి. శ్రీనివాసరెడ్డి, ఎగ్జిక్యూటివ్ నిర్మాత: రమేష్ బోయనపల్లి, నిర్మాత: శివాజీ సంతినేని, స్క్రీన్ప్లే, దర్శకత్వం: అరుణ్ సింగరాజు.
