ఈ సందర్భంగా ఏర్పాటుచేసిన సమావేశంలో నిర్మాత రామకృష్ణ మాట్లాడుతూ ఈ నెల 16 నుంచి రెగ్యులర్ షూటింగ్ జరుపుతామనీ, మలేషియా, బ్యాంకాక్, గోవా, హైదరాబాద్‌లో చిత్రీకరిస్తామనీ చెప్పారు. దర్శకుడు అవినాశ్ మాట్లాడుతూ "యువతని లక్ష్యంగా చేసుకున్న కథ ఇది. మలేషియాలో జీవించే తెలుగువాళ్ల నేపథ్యంలో నడిచే ప్రేమకథ. తెలుగు, మలయాళ భాషల్లో ఈ చిత్రాన్ని తీస్తున్నాం'' అని తెలిపారు.

హీరో తనీశ్ మాట్లాడుతూ "ముగ్గురి మధ్య నడిచే అందమైన ప్రేమకథ ఇది. స్క్రీన్‌ప్లే వైవిధ్యంగా ఉంటుంది. మానవ భావోద్వేగాలకి ప్రాధాన్యముంటుంది'' అన్నారు. చిత్రంలోని ఆరు పాటల్నీ తానే రాస్తున్నానని గేయ రచయిత జె.ఎస్. నివాస్ తెలిపారు. ఈ సమావేశంలో నాయిక ఆషిక, ఎగ్జిక్యూటివ్ ప్రొడ్యూసర్ లోహిత్, కొరియోగ్రాఫర్ కేశవ్ మాట్లాడారు.

నాగబాబు, లోహిత్, వేణు, సోనా నాయర్, యామిని, శ్వేతా మీనన్ తారాగణమైన ఈ చిత్రానికి కథ, మాటలు: స్వర్ణతులసి, సంగీతం: మెజ్జో జోసెఫ్, ఛాయాగ్రహణం: ప్రతాప్ వి. కుమార్, కూర్పు: ఓ. రవిశంకర్, కళ: నాగేంద్రప్రసాద్, స్టంట్స్: నందు, స్క్రీన్‌ప్లే, దర్శకత్వం: అవినాశ్ ఓ. శ్రీధర్.