ఈ విశేషాలు తెలియజేయడానికి హైదరాబాద్‌లో ఏర్పాటు చేసిన సమావేశంలో తేజ మాట్లాడుతూ - ‘‘ఈ మధ్య నటులు తగ్గిపోయి, స్టార్లు పెరిగారు. నాకు స్టార్లు అవసరం లేదు. అందుకే కొత్తవాళ్లతో తీస్తాను. మూడేళ్ల విరామం తర్వాత ఈ చిత్రం చేయబోతున్నా. 30మంది నూతన నటీనటులకు ఈ చిత్రంలో అవకాశం కల్పించబోతున్నాం. 16 నుంచి 20ఏళ్లలోపు వయసున్నవారిని హీరో, హీరోయిన్‌గా ఎంపిక చేయాలనుకుంటున్నాం.

ఇప్పటికి 297మంది కొత్తవారికి అవకాశం ఇచ్చాను. ఆగస్ట్ 15నాటికి నటీనటుల ఎంపిక పూర్తి చేసి సెప్టెంబర్ 1న ఈ చిత్రం షూటింగ్‌ని ఆరంభిస్తాం. ఇది ప్రేమకథా చిత్రం’’ అన్నారు. ‘‘హీరో, హీరోయిన్, విలన్, పాటల రచయిత తదితరులకు అవకాశం కల్పించనున్నాం’’ అని ఆనంద్ ప్రసాద్ అన్నారు. ఈ సమావేశంలో భవ్య సిమెం ట్స్ ప్రతినిధి జగన్, రేడియో మిర్చి ప్రతినిధి శేఖర్ వేటూరి కూడా పాల్గొన్నారు.