తాజాగా.. ఎక్కువ పాటలు పాడిన గాయనిగా గిన్నిస్ బుక్ రికార్డ్‌ని సాధించారామె. ఈ సందర్భంగానే ఆశా పై విధంగా స్పందించారు. ఇంకా తన అనుభూతిని వ్యక్తపరుస్తూ -‘‘ఈ రికార్డ్ సాధించినందుకు నేను ముఖ్యంగా విశ్వాస్ నెరూర్‌కర్‌కు ధన్యవాదాలు తెలియజేయాలనుకుంటున్నా. నేను పాడిన పాటల జాబితాని పరిశోధించి, గిన్నిస్ వరల్డ్ రికార్డ్స్‌కి సరైన సమాచారాన్ని ఇచ్చింది ఆయనే.

అందువల్లే ఈ పుస్తకంలో స్థానం సంపాదించగలిగాను’’ అన్నారు. ఇన్నాళ్లూ తన కమ్మని స్వరాన్ని వినిపించిన ఈ సుమధుర గాయని తెరపై కూడా కనిపించబోతున్నారు. ‘మాయి’ అనే చిత్రంలో నటించారామె. త్వరలో ఈ చిత్రం విడుదల కానుంది. ఈ సందర్భంగా ఆశా మాట్లాడుతూ -‘‘ఈ చిత్రం నా పాత్ర చుట్టూ తిరుగుతుంది.

వృద్ధాప్యంలో చేయూతనివ్వాల్సిన కొడుకు నిర్లక్ష్యం చేయడంతో, కోడలు, అల్లుణ్ణి నమ్ముకుని జీవించే ఓ మహిళ కథ ఇది. ఆ మహిళగా నేను యాక్ట్ చేశాను. ఈ చిత్రం నాకు సరికొత్త అనుభూతినిచ్చింది. కచ్చితంగా ప్రతి ఒక్కర్నీ కదిలిస్తుంది. నేను మా అమ్మను మాయి అని పిలుస్తాను. ఇప్పుడు అదే పేరుతో రూపొందిన ‘మాయి’ నటిగా నా తొలి చిత్రం కావడం ఆనందంగా ఉంది’’ అన్నారు.