భారతీయ చలన చిత్ర ప్రముఖులు సురియా, ఇర్ఫాన్‌ ఖాన్‌, కంగ్నా రనౌత్‌, సోహెల్‌ ఖాన్‌, నీలమ్‌,భూమికా చావ్లా , మధు అంబట్‌లతో పాటు అంతర్జాతీయ సినీ ప్రముఖుల లక్‌ బెసన్‌,మైఖేల్‌ యే తదితరులు ఈ చిత్రోత్సవానికి హాజరయ్యారు. ప్రఖ్యాత ఫ్రెంచ్‌ దర్శకుడు తెరకెక్కించిన ‘ది లేడి’ ప్రదర్శనతో ఈ చిత్రోత్సవం ముగిసింది.సమాచార,ప్రసార శాఖ మంత్రి చౌదరి మోహన్‌ జట్వా ఈ సందర్భంగా మాట్లాడుతూ ‘ భారతీయ సినీ ప్రతిభాపాలవాలు చాటి చెప్పేందుకు అంతర్జాతీయ చిత్రోత్సవాలు మంచి అవకాశమని, ఈ చిత్రోత్సవం విజయవంతంగా ముగిసినందుకు హర్షం వ్యక్తం చేశారు.రానున్న కాలంలో గోవాలో మరిన్ని సినిమా ఉత్సవాలు జరగాలని అకాంక్షించారు. పదకొండు రోజుల పాటు జరిగిన ఈ చిత్రోత్సవాలలో 65 దేశాలకు చెందిన 100కు పైగా చిత్రాలను 8 స్క్రీన్‌లపై ప్రదర్శించారు.