అందుకే నేను ముందుగానే అన్నింటినీ బాగా చదువుకునేదాన్ని. పూర్తి నిబద్ధతతో పనిచేసే నటుడాయన. ఒక్క షాట్ కూడా రద్దు కాకుండా జాగ్రత్త తీసుకుంటారు’ అంటూ భర్తపై ప్రశంసల వర్షం కురిపించింది. ‘టెల్ మీ ఖుదా’లో నల్లకోటు, భారీ వెంట్రుకలు, చేతులపై టాటూలతో కనిపించే గోవా డాన్‌గా ధర్మేంద్రను భిన్నంగా చూపించారు. ధర్మేంద్ర ఇలా కనిపించడం ఇదే మొదటిసారని హేమ చెప్పారు. ఈ వేషధారణకు అందరి నుంచి ప్రశంసలు వస్తున్నాయని ఈ 62 ఏళ్ల సీనియర్ నటీమణి తెలిపింది.

ఈ నెల 27న విడుదలయ్యే ‘టెల్ మీ ఖుదా’ ప్రచారం కోసం శుక్రవారం ఢిల్లీలో జరిగిన కార్యక్రమంలో హేమ మాట్లాడుతూ ఈ సంగతులన్నీ వివరించారు. షారుఖ్ ప్రతిష్టాత్మకంగా నిర్మించిన రా.వన్ ఈ నెల 26న ప్రేక్షకుల ముందుకు వస్తోంది. రా.వన్‌కు పోటీగా భారీ ప్రచారం నిర్వహించడానికి ఏర్పాట్లు చేశారా అన్న ప్రశ్నకు అదేమీ లేదని బదులిచ్చారు. ‘రా.వన్‌ను రూ.150 కోట్లతో నిర్మించారు. మేం అంత ఖర్చు చేయలేదు. ప్రచారం కూడా భారీగా ఏమీ ఉండదు’ అని వివరించారు. 1992లో విడుదలైన దిల్ ఆస్నా హై హేమమాలినికి దర్శకురాలిగా తొలిచిత్రం.