నిజానికి ఈ చిత్రం కోసం ఒక ప్రైవేటు శిక్షకుడిని పెట్టుకుని మరీ బాంద్రాలోని ఆటర్స్ క్లబ్‌లో సముద్రపు లోతుల్లో ఎలా డైవింగ్ చేయాలో కత్రినా బాగానే నేర్చుకుంది. బాగా లోతుకు వెళ్లినప్పుడు ఊపిరి తీసుకోవడానికి కొద్దిగా అలవాటు పడితే సరిపోతుందని భావించింది. కానీ, ఆమె షూటింగ్‌కు వెళ్లేసరికి సముద్రం బాగా అల్లకల్లోలంగా ఉంది. రెండు గంటలు పడవలో వెళ్లాక సముద్రంలోకి దూకాల్సిందిగా కోచ్ చెప్పాడు. అలా దూకి.. లోపల కాసేపు ఈది, మళ్లీ పైకి వచ్చిన తర్వాత తీరంలో ఉన్నవారంతా ఆమెవైపు ఆశ్చర్యపోయి నోళ్లు వెళ్లబెట్టుకుని చూస్తున్నారు. వాళ్లేదో వేళాకోళం చేస్తున్నారని ఆమె అనుకుంది.

కానీ.. లోపల ఈదేటప్పుడు తల మీద కొంచెం ఎత్తులోంచి ఓ షార్క్ చేప వెళ్లిందని సాంకేతిక సిబ్బంది కత్రినాకు చెప్పారు. ఆ సంఘటనతో ఒక్కసారిగా కత్రినా హడలెత్తిపోయింది. చిత్రం షూటింగ్ సమయంలో మానసిక ఒత్తిడి, భయం కారణంగా తాను మూడు కిలోల బరువు తగ్గిపోయానని.. తర్వాత షూటింగ్ జరిగేటప్పుడు కూడా నడిచేటప్పుడు హృతిక్ చెయ్యి మామూలుగా పట్టుకోవాల్సి ఉండగా.. భయంతో తాను చాలా గట్టిగా పట్టుకున్నానని అమ్మడు స్వయంగా చెప్పింది.