మరికొంతమందేమో... రజనీకాంత్ జీవిత చరిత్ర ఆధారంగా దాదాపు రెండు, మూడేళ్ల క్రితం సౌందర్య ఆరంభించిన ‘సుల్తాన్ ది వారియర్’నే ‘కోచ్చడయాన్’గా పేరు మార్చి విడుదల చేయబోతున్నారని భావిస్తున్నారు. వారు అలా అనుకోవడానికి కారణం లేకపోలేదు. ఇది హై-టెక్ 3డి మూవీ అని సమాచారం. వచ్చే ఏడాది ఆగస్ట్‌లో విడుదల చేయాలనుకుంటున్నారు.

ఇంకా ఈ చిత్రం షూటింగ్ ఆరంభమే కాలేదు. 3డి మూవీ అంటే.. షూటింగ్‌కి చాలా సమయం పడుతుంది. కేవలం 8,9 నెలల్లో షూటింగ్ ముగించడం అంటే సామాన్య విషయం కాదు. అందుకే ‘సుల్తాన్ ది వారియర్’నే ‘కోచ్చడయాన్’గా పేరు మార్చి విడుదల చేయబోతున్నారని ఊహిస్తున్నారు. ‘సుల్తాన్...’కి దర్శకత్వ బాధ్యతలు స్వీకరించింది కూడా సౌందర్యే. అయితే ఈ చిత్రం అర్ధాంతరంగా ఆగింది. ఇక ఈ చిత్రం గురించి పక్కన పెడితే... అసలు ‘రాణా’ ఉందా? లేదా? అనే విషయం తెలియాల్సి ఉంది. ఆ విషయాన్ని కూడా సౌందర్య తన ట్విట్టర్ ద్వారా స్పష్టం చేస్తారని రజనీ అభిమానులు ఎదురుచూస్తున్నారు.