బెస్ట్ ఫ్రెండ్: ఉపాసన నాకు మంచి స్నేహితురాలు. సాఫ్ట్ గర్ల్. ఆమెకు నా గురించి అన్నీ తెలుసు. ఆరేళ్ల మా పరిచయం ప్రేమగా మారింది. ఇద్దరం పెళ్లి చేసుకొంటున్నందుకు ఎంతో హ్యాపీగా ఉంది.

సరదా సరదాగా: మేం ఎప్పుడు కలిసినా జోక్స్ వేసుకుంటూ జాలీగా గడుపుతాం. ఎక్కువగా తనే మాట్లాడుతుంది. ఆమె మాటల్లో ఎంతో నిజాయితీ. నా సినిమాలన్నా మహా ఇష్టం.

ప్రకృతిపై ప్రేమ: ఉపాసనకు ప్రకృతిపై మక్కువ ఎక్కువ. జంతువులను ప్రేమిస్తుంది. బుక్స్ కలెక్ట్ చేసి లేనివారికి ఇస్తుంది. ఈ అభిరుచులు మా మనసులను దగ్గర చేశాయి. ఆమె అడుగుజాడల్లో నేను కూడా పర్యావరణ పరిరక్షణకు కృషి చేయాలని నిర్ణయించుకున్నా.

పర్‌ఫెక్ట్ మ్యాచ్: మా ఇద్దరిదీ పర్‌ఫెక్ట్ మ్యాచ్ అని రెండు కుటుంబాలు నిర్ణయించిన తరువాతనే మూడుముళ్ల బంథానికి గ్రీన్ సిగ్నల్ పడింది. ఇక పెళ్లి విషయాలన్నీ మా పెద్దలకే వదిలేశాం. ఎంగేజ్‌మెంట్ కోసం వచ్చే నెలలో షాపింగ్ చేస్తా.

నవంబర్‌లో నిశ్చితార్ధం!: నవంబర్ చివరి లేదంటే డిసెంబర్ మొదటివారంలో మా నిశ్చితార్థం ఉంటుంది. పెళ్లి తేదీ ఇంకా ఖరారు కాలేదు. అయితే కొత్త పంచాంగాలు వచ్చిన తరువాతే ముహూర్తం ఉండొచ్చు.

అపోలో ఫ్యామిలీ: అపోలో ఫ్యామిలీలో నేనూ సభ్యుడినయినందుకు ఆనందంగా ఉంది. చిన్నప్పటి నుంచి నాకు ప్రతాప్‌రెడ్డి ఫ్యామిలీతో అనుబంధం. మా రెండు కుటుంబాల మధ్య ఎప్పటి నుంచో మంచి స్నేహం ఉంది.

మొదట ప్రపోజ్ చేసింది: ఇద్దరికీ ఒకరిపై ఒకరికి చెప్పలేనంత ప్రేమ. కానీ చాలాకాలం అది మనసులు దాటలేదు. ప్రపోజ్ చేయడంలో ఇద్దరిదీ తడబాటే. ఇక లాభం లేదని... ఓ ఫైన్ డే నేనే చెప్పేశా. ఉపాసన కళ్లు ఆనందంతో చెమర్చాయి. వెంటనే ఓకే అనేసింది.