అయితే ఆమె మాటల్ని ఆ పత్రిక చీఫ్ ఎడిటర్ కబీర్ శర్మ తోసిపుచ్చారు. "వీణతో చేసిన ఫొటో షూట్‌కి సంబంధించిన వీడియో మా దగ్గర ఉంది. పైగా ఆ ఫొటోగ్రాఫ్‌ను ప్రచురించుకోవడానికి అంగీకరిస్తూ ఆమె పంపిన ఇ-మెయిల్ కూడా ఉంది. ఆ ఫొటోల్ని తను చూశాననీ, వాటి విషయంలో సంతోషంగా ఉన్నాననీ, ముఖచిత్రం గురించి ఎదురు చూస్తున్నాననీ అందులో ఆమె తెలిపింది. నవంబర్ 22న ముంబైలో ఆ ఫొటో షూట్ జరిగింది'' అని ఆయన స్పష్టం చేసారు. నగ్న చిత్రాల కోసం తన ఫొటోలను మార్ఫింగ్ చేశారని ఓ మేగజీన్‌పై కేసు పెట్టిన పాక్ నటి వీణా మాలిక్ చిక్కుల్లో పడ్డారు. నగ్న చిత్రాల కోసం ఆమెనే తమను సంప్రదించారని వాటిని ప్రచురించిన ఎఫ్‌హెచ్ఎం ఇండియా తెలిపింది. తప్పుడు ఆరోపణలు చేసినందుకు ఆమెపై రూ. 25 కోట్లకు కోర్టులో దావా వేస్తామని హెచ్చరించింది. ఈ మేరకు వీనామాలిక్‌కు 11 పేజీల లీగల్ నోటీసు పంపించింది. వీనామాలిక్ ఫొటోలను మార్ఫింగ్ చేయలేదని, ఆమె అంగీకారంతోనే ఫొటోలతో పాటు వీడియో చిత్రీకరణ కూడా చేశామని అందులో పేర్కొంది. సెక్సీగా కనిపించాలని ఆమె ఆశించారని, ఇందుకోసం తన బికినీ చిత్రాలను కూడా తమకు పంపారని ఎఫ్‌హెచ్ఎం తెలిపింది. నిరాధార ఆరోపణలపై రూ. 25కోట్ల పరిహారం చెల్లించాలని, క్షమాపణ చెప్పాలని తన నోటీసులో పేర్కొంది.