తెరపైకి జగపతి జీవిత ‘సముద్రం’

జగపతి బాబు కెరీర్‌లో బోలెడన్ని ఎత్తుపల్లాలున్నాయి.అతని కెరీర్ స్టార్టింగ్‌లోనే ఊహించిన విజయాలు దక్కలేదు. మొదట్లో గొంతు బాగోలేదని డబ్బింగ్ చెప్పించారు. తర్వాత హీరోగా నిలదొక్కుకుంటోన్న సమయంలో…అప్పటి హీరోలకు భిన్నంగా ‘అంతఃపురం’ లాంటి సినిమాల్లో సపోర్టింగ్ రోల్స్ పోషించాడు. వైవిధ్యమైన ప్రయాణం చేశాడు, చేస్తున్నాడు. ఇలా జగపతి లైఫ్‌లో ఎన్నో ఆటుపోట్లు ఉన్నాయి. అందుకే జగపతి బయోపిక్‌కు ‘సముద్రం’ అనే టైటిల్‌ని ఫిక్స్ చేశారు. ప్రస్తుతం గోవా తదితర ప్రాంతాల్లో ఈ బయోపిక్ షూటింగ్ జరుపుకుంటోంది. గతంలో కృష్ణవంశీ దర్శకత్వంలో ‘సముద్రం’ టైటిల్‌తో రూపొందిన చిత్రంలో జగపతిబాబు హీరోగా నటించడం తెలిసిందే! అయితే ఇప్పుడీ ‘సముద్రం’ వెండితెర పైకి రావడం లేదు. ఓ ప్రముఖ ఎంటర్టైన్మెంట్ ఛానల్‌లో 20కి పైగా ఎపిసోడ్స్‌తో టెలికాస్ట్ అవ్వబోతోంది.