తియ్యటి క్షణాలు లేకపోతే ఈ జీవితమెందుకు?

పూజా హెగ్డే తెలుగులో అగ్రతారగా ఎదిగింది. ఇప్పుడు మహేశ్‌ బాబుతో ‘మహర్షి’ చిత్రంలో చేస్తోంది. త్వరలో అల్లు అర్జున్‌, త్రివిక్రమ్‌ కాంబినేషన్‌లో తెరకెక్కనున్న చిత్రంలోనూ కథానాయికగా నటించబోతోంది. తెలుగుతో పాటు దక్షిణాది భాషల్లోనూ అవకాశాలను దక్కించుకుంటోంది. మరో పక్క బాలీవుడ్‌లో రాణించేందుకు ప్రయత్నిస్తోంది. హృతిక్‌ రోషన్‌తో కలసి గతంలో ‘మొహెంజోదరో’ చిత్రంలో నటించింది. ఆ సినిమా కోసం తీవ్రంగా శ్రమించింది. కానీ, ఫలితం లేకుండా పోయింది. ఆ సినిమా బాక్సాఫీస్‌ వద్ద పెద్ద పరాజయాన్ని పొందింది. ఏకంగా రెండేళ్లు పాటు ఈ చిత్రానికి పనిచేసింది. ఓ నటి తన కెరీర్‌లో రెండేళ్లు కేటాయించిందంటే ఆ సినిమాపై ఎక్కువ అంచనాలు ఉంటేనే అలా చేయగలదు. దీనిపై ఇటీవల స్పందిస్తూ…సమయాన్ని వృథా చేసుకున్నానని ఆవేదన చెందింది.