సమంత పొలిటికల్ ఎంట్రీ ఇప్పుడు హాట్ టాపిక్‌ !

సికింద్రాబాద్ అసెంబ్లీ సెగ్మెంట్ నుంచే ఈసారి టీఆర్‌ఎస్ తరుపున టాలీవుడ్ ప్రముఖ నటి సమంత పోటీ చేయబోతున్నారని తాజాగా వార్తలు వ్యాపించాయి. క్రిస్టియన్స్ ఎక్కువగా ఉన్న ఈ అసెంబ్లీ సెగ్మెంట్ నుంచి ఈసారి సమంతను పోటీ చేయించాలని మంత్రి కేటీఆర్ ప్రయత్నాలు చేస్తున్నారనే వార్త బయటికి రావడంతో.. త్వరలోనే సమంత పొలిటికల్ ఎంట్రీ ఇవ్వనుందనే విషయం ఇప్పుడు హాట్ టాపిక్‌గా నడుస్తోంది.

ఇక్కడగతంలో  కాంగ్రెస్ పార్టీ తరపున జయసుధ పోటీ చేసింది. జయసుధ కూడా కన్వర్టెడ్ క్రిస్టియన్. అందుకే కాంగ్రెస్ వ్యూహాత్మకంగా ఆమెను సికింద్రాబాద్ తరుపున పోటీ చేయించి.. గెలిపించుకుంది. ఇప్పుడదే లెక్క వేస్తూ.. క్రిస్టియన్ అయిన సమంత అయితే సినీ స్టార్ ఇమేజ్, సీమాంధ్ర ఓటర్ల ప్రభావం, క్రిస్టియన్ ఓట్స్ ప్రభావం అన్నీ కలగలిపి ఈజీగా సమంత గెలిచేస్తుందనే భావనతో ఆమెకు ఈ సీట్‌ని కేటీఆర్ కేటాయించారట. అందుకే సమంతకు తెలంగాణ తరఫు నుండి గౌరవ మర్యాదలు అందేలా టీఆర్‌ఎస్ చూస్తుందని, బ్రాండ్ అంబాసిడర్‌గా బాధ్యతలు ఇస్తుందని కూడా అనుకుంటున్నారు. అయితే ఈ విషయంపై సమంతకానీ, టీఆర్ఎస్ ప్రభుత్వం తరుపు నుంచి గానీ ఎటువంటి వార్తలు బయటికి రాలేదు.