ప్రేక్షకుల పంబరేగింది …..‘జంబ లకిడి పంబ’ చిత్ర సమీక్ష

కధ బావుంది కానీ, దాని చుట్టూ అల్లుకున్న స‌న్నివేశాలు ప్రేక్ష‌కుల స‌హ‌నానికి ప‌రీక్ష పెడ‌తాయి.ఫస్ట్‌ హాఫ్‌లో హీరో హీరోయిన్ల మధ్య జరిగే గొడవలు ఏ మాత్రం ఆసక్తికరంగా లేకుండా టీవీ సీరియల్‌ లా సాగటం ప్రేక్షకులను విసిగిస్తుంది. ఒక‌రి మీద ఒక‌రు ప‌గ ప‌ట్ట‌డం, ఒక‌రి కెరీర్ ని మ‌రొక‌రు నాశ‌నం చేసుకోవాల‌నుకోవ‌డం వంటి స‌న్నివేశాల‌న్నీ తేలిపోయాయి. ఎక్క‌డా డెప్త్ క‌నిపించ‌దు. ఇద్ద‌రిలోనూ క‌సి క‌నిపించ‌దు.దర్శకుడు మురళీ కృష్ణ ప్రేక్షకులను అలరించటంలో ఫెయిల్‌ అయ్యారు. అసలు సినిమాలో మెయిన్ పాయింట్‌ ఏంటనేది ఇంటర్వెల్‌ దగ్గర కానీ రివీల్‌ అవ్వదు. ఫస్ట్‌ హాఫ్‌ సాగతీత సీన్లతో, విసుగు తెప్పించే హాస్యంతో నెట్టుకొచ్చేశారు. ఆశించిన స్థాయి కామెడీ ఈ చిత్రంలో కొరవడింది. కనీసం ప్లో కూడా లేకుండా సాగే ప్రథమార్ధం చూసే సరిగే ఆడియన్స్ విసుగెత్తిపోతారు. కథకి ముఖ్యమైన ఇంటర్వెల్‌ సీన్‌ చూశాక ..ఇక సెకెండ్ హాఫ్ లోనైనా సినిమా గాడిన పడుతుందనుకుంటే.. అవే సీన్లను అటు తిప్పి, ఇటు తిప్పి అదే రొటీన్‌ తంతుతో, పండని కామెడీ తో ఇంకొంత బోర్ కొట్టిస్తారు.శ్రీనివాస్ రెడ్డి, వెన్నెల కిషోర్, పోసాని కృష్ణ మురళి లాంటి టైమింగ్ ఉన్న ఆర్టిస్ట్ లు ఉన్నా… వారి టాలెంట్‌ని వాడుకునేంతగా సన్నివేశాలు లేకపోవడంతో వాళ్ళు కూడా చేయగలిగేది ఏమీ లేకుండా పోయింది. భావోద్వేగాన్ని పండించే సన్నివేశాలు రెండు కూడా కనిపించవు. పాట‌లు కూడా మెప్పించ‌వు. పాట‌లు ఎప్పుడొస్తాయో, ఎందుకొస్తాయో అన్న‌ట్టు ఉన్నాయి. స్క్రీన్ ప్లే చాలా ఊహాజనితంగా నడుస్తుంది. దీంతో ప్రేక్షకుడికి సినిమాలో తర్వాత ఏం జరుగుతుంది? అనే ఉత్కంఠ ఎక్కడా కలగలేదు.

 శ్రీనివాస్ రెడ్డి హీరోగా తన పాత్రకి న్యాయం చేసేందుకు కష్టపడ్డాడు.అమ్మాయి ల‌క్ష‌ణాల‌తో శ్రీనివాస‌రెడ్డి, అబ్బాయి ల‌క్ష‌ణాల‌తో సిద్ధి చేసినా పండించలేక పోయారు . కీలకమైన పాత్రలో నటించిన పోసాని తన నటనతో చిత్రానికి కొంత ప్లస్ అయ్యారు. వెన్నెల కిశోర్ ఎప్పటిలానే తన మార్క్ పంచులతో విడాకుల లాయర్ గా నవ్వించారు.తనికెళ్ల భరణి,  జబర్దస్త్ అప్పారావు, సత్యం రాజేష్ లు బాగానటించారు. హ‌రితేజ పాత్ర బావుంది.