దర్శకుడు కొత్త వాడైనా అతడి టాలెంట్ మీద నమ్మకం ఉంచడం వెంకటేశ్ అలవాటు. ఆ అలవాటునే వెంకీ తన తదుపరి చిత్రాలకూ అనుసరిస్తున్నాడు. ఈ మధ్య వెంకీ చిత్రాల సంఖ్య తగ్గినా తన నటనాసామర్ధ్యం ఏ మాత్రం తగ్గలేదని ‘గురు’ చిత్రంతో నిరూపించాడు. సుధ కొంగర కొత్త దర్శకురాలు అయినప్పటికీ, వెంకీని డీ-గ్లామరైజ్డ్ లుక్తో ప్రెజెంట్ చేసినప్పటికీ మంచి విజయం సాధించింది. అందుకే ఈ విజయాన్ని తన తదుపరి చిత్రాలకు స్ఫూర్తిగా చేసుకొని గతంలో తనతో చేయని మరికొందరు కొత్త దర్శకులతో ముందు కెళ్తున్నాడు వెంకీ.
వెంకీ కొత్త దర్శకుల లిస్ట్లో ముందు వరుసలో ఉన్న దర్శకుడు తేజ. తాజాగా రానాకి ‘నేనే రాజు నేనే మంత్రి’ అనే విజయవంతమైన చిత్రాన్నందించాడు ఈ దర్శకుడు . అందుకే వెంకటేశ్, తేజతో సినిమా చేయడానికి వెంటనే ముందుకొచ్చాడు. నిజానికి వీరిద్దరి కలయికలో గతంలో ‘సావిత్రి’ అనే పేరుతో ఒక చిత్రం రావాల్సి ఉంది. కానీ కొన్ని కారణాలతో ఆ ప్రాజెక్ట్ ప్రారంభంలోనే ఆగిపోయింది. అయితే ఇప్పుడు వెంకీ తేజకు మరో అవకాశమిచ్చాడు. ‘ఆట నాదే వేట నాదే’ అనే వెరైటీ టైటిల్తో ఈ సినిమా తెరకెక్కనుంది. యాక్షన్ బ్యాక్ డ్రాప్లో ఈ సినిమా ఉంటుందని సమాచారం.
వెంకటేశ్తో మొదటిసారిగా సినిమా చేయడానికి కొంత మంది యువ దర్శకులు రెడీగా ఉన్నారు. ‘పటాస్, సుప్రీమ్, రాజా ది గ్రేట్’ వరుస విజయాలతో జోరుమీదున్న అనిల్ రావిపూడి, వెంకటేశ్తో సినిమా చేయనున్నట్టు వార్తలొచ్చాయి. ‘F2’ అనే వెరైటీ టైటిల్తో తెరకెక్కనున్న ఈ చిత్రం ‘ఫన్ అండ్ ఫ్రస్ట్రేషన్’ నేపథ్యంలో సాగుతుందట. ఇదే కోవలో రామ్తో ‘నేను శైలజ’,’ఉన్నది ఒకటే జిందగి’ లాంటి ప్రేమకథా చిత్రాలు తీసిన మరో యువ దర్శకుడు కిశోర్ తిరుమల వెంకీతో ‘ఆడవాళ్లు మీకు జోహార్లు’ పేరుతో ఒక వినోదాత్మకమైన కుటుంబ కథాచిత్రాన్ని ప్లాన్ చేస్తున్నాడు. ఇక ఫైనల్గా నాగ్తో ‘సోగ్గాడే చిన్నినాయనా’, నాగచైతన్యతో ‘రారండోయ్ వేడుకచూద్దాం’ లాంటి విజయవంతమైన చిత్రాల్ని తీసిన కళ్యాణ్ కృష్ణ వెంకటేశ్, నాగచైతన్య హీరోలుగా ఒక మల్టీ స్టారర్ మూవీకి ప్రయత్నాలు ప్రారంభించాడు.
