భావితరాలకు సంస్కృతిని తెలియజేసే ‘ఎపిక్టైజ్ మీడియా’

ఫ్లూటిస్ట్ నాగరాజు…  విశాఖ పట్నంలో జన్మించిన నాగరాజు పదేళ్ళ ప్రాయంలోనే వేణుగానంలో శిక్షణ తీసుకోవడం మొదలు పెట్టారు. ఇవాళ మనకున్న బెస్ట్ ఫ్లూటిస్టులలో ఆయన ప్రముఖులు. గడిచిన మూడు దశాబ్దాల కాలంలో జాతీయ అంతర్జాతీయ వేదికలపై వేలాది ప్రదర్శనలు ఇచ్చారు. ప్రముఖ సంగీత దర్శకులు, గాయనీ గాయకులు నిర్వహించిన ఇంటర్నేషనల్ మ్యూజిక్ కన్సర్ట్స్ లో ఆయన ఫ్లూటిస్ట్ గా తన ప్రతిభ చాటారు. సోలోగా ఎన్నో వందల పెర్ఫార్మెన్స్ లు చేశారు. ప్రముఖ రచయిత జె.కె. భారవి ‘జగద్గురు ఆది శంకర’ చిత్రానికి సంగీతం అందించారు. అలానే రామ్ గోపాల్ వర్మ ‘365’ మూవీకీ మ్యూజిక్ ఇచ్చారు.  తనికెళ్ళ భరణి రాసిన ‘ఆటకదరాశివ’ తత్త్వాలకు వాద్య కళాకారుడిగా అద్భుతమైన పెర్ఫార్మ్ చేశారు. ఆంధ్రప్రదేశ్ ప్రభుత్వం నుండి ‘కళారత్న’ బిరుదును అందుకున్నారు. ‘త్రివేణు యాత్ర’… కర్నాటిక్, హిందుస్తానీ, వెస్ట్రన్ క్లాసిక్స్ ను ఒకే వేదిక మీద ప్రదర్శిస్తూ నాగరాజు  చేసిన జుగల్ బందీకి అద్భుతమైన గుర్తింపు, పేరు ప్రఖ్యాతులు లభించాయి.

హరి దామెర… ప్రకృతి ప్రేమికులైన హరి తన స్వస్థలం చిత్తూరు జిల్లా ఏర్పేడు మండంలోని చింతలపాలెం. బాల్యంలో ఎదుర్కొన్న కష్టాలు పడ్డా..ఉన్నత విద్య ద్వారా సముపార్జించిన తెలివితేటలు సముపార్జించారు. చెన్నయ్, బెంగళూరు నగరాల మీదుగా అమెరికా చేరి.. అక్కడ ఉద్యోగిగా విజయం సాధించి, ఇప్పుడు వ్యాపారవేత్తగా సత్తా చాటుతున్నారు. కరోనా కారణంగా లభించిన ఖాళీ సమయాన్ని సంగీతం పట్ల తనకున్న అభిరుచిని వెలికి తీయడానికి ఉపయోగించారు. ప్రముఖ ఫ్లూటిస్ట్ నాగరాజు దగ్గర యేడాదిన్నర క్రితం శిష్యరికం మొదలెట్టారు. ఈ గురుశిష్యుల సాంగత్యం వీరి సంగీత ప్రయాణాన్ని మరో మేలిమలుపు తిప్పింది. ‘ఎపిక్టైజ్’ మీడియా హౌస్ రూపంలో సరికొత్త చరిత్రకు నాంది పలుకబోతోంది.