‘బెస్ట్’ అనిపించినదే చేద్దామనుకుంటున్నా !

నిధి అగర్వాల్…  ‘సవ్యసాచి’ చిత్రం ద్వారా టాలీవుడ్ కి పరిచయమైన అందాలభామ నిధి అగర్వాల్. ఆ చిత్రంతో నటిగా, డాన్సర్ గా మంచి మార్కులు తెచ్చుకున్నారు.  అఖిల్ తో ‘మిస్టర్ మజ్ను’ చిత్రంలో హీరోయిన్ గా జతకట్టింది నిధి అగర్వాల్. తెలుగులో ఇది సెకండ్ మూవీనే అయినా, ఎమోషనల్ సీక్వెన్సెస్లో ఎంతో అనుభవం ఉన్న హీరోయిన్ లా పెర్ఫామ్ చేసింది నిధి అగర్వాల్. వెంకీ అట్లూరి దర్శకత్వంలో బివి ఎస్ ఎన్ ప్రసాద్ నిర్మించిన ‘మిస్టర్ మజ్ను’ చిత్రం ఇటీవల విడుదలై సూపర్ హిట్ టాక్ తో రన్ అవుతోంది. ఇదిలా ఉండగా డాషింగ్ డైరెక్టర్ పూరి జగన్నాద్ దర్శకత్వంలో ‘ఇస్మార్ట్ శంకర్’ లో రామ్ సరసన హీరోయిన్ గా నటిస్తోంది. ఈ సందర్బంగా హీరోయిన్ నిధి అగర్వాల్ తన ఆనందాన్ని వ్యక్తంచేసారు…
 
హ్యాపీ గా ఉంది…
‘మజ్ను’ సినిమాకి వస్తున్న రెస్పాన్స్ చూస్తుంటే చాలా హ్యాపీ గా ఉంది. చాలా సంతృప్తినిచ్చింది సినిమా.
 
పోలిక ఉండదు…
నాగ చైతన్య, అఖిల్.. ఇద్దరితోనూ పని చేసే అవకాశం నిజంగా అదృష్టంగా ఫీలవుతున్నా. అసలు ఇద్దరికీ ఎందులోనూ పోలిక ఉండదు. ఒకరు నీరైతే.. ఇంకొకరు నిప్పు అన్నంత తేడా ఉంటుంది ఇద్దరిలో. కానీ ఇద్దరూ చాలా డిసిప్లిన్డ్ గా ఉంటారు.
 
మంచి అప్లాజ్ వస్తుంది…
సినిమాలోని ఇమోషనల్ సీన్స్ లో నా పర్ఫామెన్స్ కి మంచి అప్లాజ్ వస్తుంది. స్క్రిప్ట్ విన్నప్పుడే తెలుసు. కొన్ని సీన్స్ టఫ్ గా ఉండబోతున్నాయని.
 
అంత కష్టంగా లేదు…
నేను పుట్టింది హైదరాబాద్ లోనే కాబట్టి నాకు తెలుగు మాట్లాడటం అంత కష్టంగా లేదు. ఫస్ట్ సినిమా చేస్తున్నప్పుడు కూడా ఏదో కొత్తగా వింటున్న లాంగ్వేజ్ లా నాకు అనిపించలేదు.
ఇన్నోసెంట్ గా ఉంటుంది…
నా ఫేస్ కొంచెం ఇన్నోసెంట్ గా ఉంటుంది కాబట్టి దానికి తగ్గట్టే నాకు రోల్స్ వస్తున్నాయేమో అనిపిస్తుంది. ఈ ఫేజ్ కూడా చాలా ఎంజాయ్ చేస్తున్నా. డ్యాన్స్ ఓరియంటెడ్ సినిమా చేయాలని ఉంది.
 
దృష్టి పెడతా…
ఇదే నా కరియర్ బిగినింగ్ కాబట్టి ఇంకా నేను నాకు నచ్చిన రోల్సే చేసే స్టేజ్ కి వచ్చానని అనుకోవట్లేదు. కానీ ‘ఇస్మార్ట్ శంకర్’ తరవాత, డిఫెరెంట్ రోల్స్ పై దృష్టి పెడతా.
 
ఎక్స్ పెక్ట్ చేయలేదు…
‘మజ్ను’ లో నా పర్ఫామెన్స్ చూశాక, మా పేరెంట్స్ ‘నువ్వింత బాగా యాక్ట్ చేస్తావా..? అస్సలు ఎక్స్ పెక్ట్ చేయలేదు’ అన్నారు. అది నా లైఫ్ లో బెస్ట్ కాంప్లిమెంట్.
 
చాలా కొత్త క్యారెక్టర్ లో…
పూరి జగన్నాథ్ గారి డైరెక్షన్ లో నటిస్తున్నందుకు చాలా హ్యాప్పీ. ఆ రోల్ గురించి డిస్కస్ చేయడం ఇప్పుడే కరెక్ట్ కాదేమో. కానీ చాలా కొత్త క్యారెక్టర్ లో కనిపించబోతున్నా.
 
ఆఫర్స్ వస్తున్నాయి…
ఆఫర్స్ వస్తున్నాయి కానీ తొందరపడదలుచుకోలేదు. ఇప్పటి వరకు జస్ట్ ‘మిస్టర్ మజ్ను’ పైనే ఫోకస్ పెట్టాను. ఇప్పుడు ‘ఇస్మార్ట్ శంకర్’. బెస్ట్ అనిపించినదే చేద్దామనుకుంటున్నాను. ఇంపార్టెన్స్ ఉన్న క్యారెక్టర్స్, స్ట్రాంగ్ క్యారెక్టర్స్ చేద్దామనుకుంటున్నాను.
 
ఇంకా ఏం కావాలి…
నెగెటివ్ కామెంట్స్ ని కూడా చాలా పాజిటివ్ గా తీసుకుంటా. కానీ ఆ కామెంట్స్ ఎవరు చేస్తున్నారనేది మాత్రం డెఫ్ఫినెట్ గా మ్యాటర్స్. కరెక్ట్ ప్లేస్, కరెక్ట్ పర్సన్స్ నుండి వచ్చిన కామెంట్స్ నే పట్టించుకుంటా. ‘మిస్టర్ మజ్ను’ కి మాత్రం 95% పాజిటివ్ కామెంట్సే వచ్చాయి. ఇంకా ఏం కావాలి.
 
‘అర్జున్ రెడ్డి’ రోల్ …
‘అర్జున్ రెడ్డి’ సినిమా 4 సార్లు చూశాను. ఒకవేళ అవకాశం దొరికితే ఆ సినిమాలో ‘అర్జున్ రెడ్డి’ రోల్ లో నటించాలని ఉంది.