ప్రవీణ క్రియేషన్స్‌ ప్రై.లి. పతాకంపై ప్రొడ‌క్ష‌న్ నెం.2గా ఎన్‌.కరణ్‌ రెడ్డి సమర్పణలో రూపొందుతోన్న చిత్రం ‘ఉన్మాది’. ఈ సినిమా ట్రైల‌ర్‌ను సోష‌ల్ మీడియాలో విడుద‌ల చేశారు. త్వ‌ర‌లోనే ఆడియో విడుద‌ల కానుంది. ఈ సంద‌ర్భంగా చిత్ర దర్శక నిర్మాత ఎన్‌.ఆర్.రెడ్డి మాట్లాడుతూ – ”ఇది ఒక గ్రామీణ నేపథ్యంలో జరిగే కథ. గుంటూరు జిల్లాలోప‌రిస‌ర ప్రాంతాల్లో సింగిల్‌ షెడ్యూల్‌లో చిత్రీకరణను పూర్తి చేశాం. 8ఫైట్స్‌, 5 సాంగ్స్‌తో సినిమా పూర్తి కమర్షియల్‌ ఎంటర్‌టైనర్‌గా ఉంటుంది. టీజ‌ర్‌ను విడుద‌ల చేశాం. స‌మాజంలో ఆడ పిల్ల‌ల‌పై జ‌ర‌గుతున్న అఘాయిత్యాల‌పై తెర‌కెక్కిన క‌థాంశం ఇది. త్వ‌ర‌లోనే ఆడియో, సినిమా రిలీజ్ డేట్‌ను ప్ర‌క‌టిస్తాం” అన్నారు.
టైటిల్‌ పాత్రలో ఎన్‌.ఆర్.రెడ్డి నటిస్తూ దర్శకత్వం వహించారు. అల్లు రమేశ్‌, శివ, శిరీష, నాగిరెడ్డి, రమ్య, ప్రమీల, పుష్పలత, సోను, రాజేశ్వరి, డిఎస్‌పి, వెంకటాంజనేయులు, ఫణి సూరి, మున్నా, జానకి రామయ్య తదితరులు మిగతా పాత్రల్లో నటించారు. ఈ చిత్రానికి సంగీతం: డేవిడ్‌, కెమెరా: దంటు వెంకట్‌, ఎడిటర్‌: కె.ఎ.వై.పాపారావు, ఫైట్స్‌: దేవరాజ్‌, కొరియోగ్రఫీ: సామ్రాట్‌, జోజో, నిర్వహణ: ఎన్‌.వరలక్ష్మి, క్రియేటివ్‌ డైరెక్టర్‌ : రాఘవ, నిర్మాత: ఎన్‌.రామారావు, కథ, మాటలు, స్క్రీన్‌ప్లే, దర్శకత్వం: ఎన్‌.ఆర్.రెడ్డి.
https://youtu.be/cFYHSt2jTTM
