నేను సినిమాల్లో పాడకపోవడానికి అదీ కారణం !

#నాకు పెళ్ళి చేసుకోవాలని అనిపిస్తే దాన్ని దాచిపెట్టాల్సిన అవసరం లేదు. నేను ఎవరిని చేసుకున్నా మా పేరెంట్స్‌ మద్దతు ఇస్తారే తప్ప నాతో విబేధించరు. నా జీవితంలో అత్యంత ముఖ్యమైన విషయాన్ని దాచి పెట్టాల్సిన అవసరం నాకు లేదు. మైఖేల్‌తో నా పెళ్ళి జరగబోతోందన్న వార్తలు బాగా ప్రచారం చేశారు. తను నాకు మంచి స్నేహితుడు అంతే. ఓ ఫ్రెండుతో కలిసి సరదాగా బయట తిరిగితే రిలేషన్‌షిప్‌ అంటున్నారు. సాధారణంగా పార్టీలు రాత్రి సమయంలో జరుగుతాయి. అందుకే ఆ సమయంలో మైఖేల్‌తో వెళ్ళాను తప్ప.. మా మధ్య మరే బంధమూ లేదు.

 #నా కెరీర్‌ ముందు నుంచీ రిస్క్‌లోనే ఉంది. కొత్తగా రిస్క్‌లో పడేదేముంది? ఒక టైంలో శ్రుతి సినిమాలకు పనికిరాదు అన్నారు. ఆ తరువాత వారే శ్రుతి స్టార్‌ హీరోయిన్‌ అన్నారు. ఎవరేమనుకున్నా నేను సినిమాలు చేయడం మానలేదు. జయాపజయాలతో సంబంధం లేకుండా సినిమాలు చేసుకుంటూ పోయాను. ఇప్పుడు గ్యాప్‌ కూడా నాకు నేనుగా తీసుకున్నదే తప్ప.. ఎవరో ఏదో అన్నారని మాత్రం కాదు.