‘సత్యమేవ జయతే’ తరహాలో బుల్లితెరపై ‘పవర్ స్టార్’

స్టార్ హీరో పవన్ కళ్యాణ్.. ప్రత్యక్ష రాజకీయాల్లోకి ప్రవేశించి, ప్రస్తుతం వెండితెరకు కాస్త దూరంగా ఉన్నాడు. తన పొలిటికల్ అజెండాతో.. తెలుగు రాష్ట్రాల్లో విరివిగా పర్యటిస్తున్న పవన్.. ప్రజలతో పలు సామాజిక అంశాల గురించి ప్రస్తావిస్తూ ఉంటాడు. అయితే ఈ సారి ఇవే సామాజిక అంశాలకోసం బుల్లితెరను వేదికగా చేసుకోబోతున్నాడట. స్మాల్ స్క్రీన్‌పై ఓ కార్యక్రమానికి వ్యాఖ్యాతగా వ్యవహరించబోతున్నాడట పవర్ స్టార్.ఇప్పటికే ఈ  ప్రోగ్రామ్‌కు సంబంధించిన ప్రపోజల్‌ను ఓ.కె. చేశాడట పవన్. సెప్టెంబర్ నుంచి ఈ కార్యక్రమం కార్యరూపం దాల్చబోతున్నట్టు తెలుస్తోంది. ఓ ప్రముఖ ఛానెల్‌లో.. ‘పవర్ స్టార్’ ప్రోగ్రామ్ ప్రసారం కానుందట.