ఉమా శంకర్ దర్శకత్వంలో సిల్వర్ పిక్సెల్ మీడియా వర్క్స్ పతాకంపై నిర్మిస్తోన్న చిత్రం “సాఫ్ట్ వేర్ బ్లూస్”. ఈ చిత్ర ట్రైలర్ ను మంత్రి కే.టి ఆర్ విడుదల చేయడం జరిగింది. ఈ చిత్రం జూన్ 24 న విడుదల చేస్తున్నారు. శ్రీరాం, భావనా, ఆర్యమాన్, మహబూబ్ బాషా, కె.యస్. రాజు, బస్వరాజ్ ఈ చిత్రంలో నటీనటులు.
సిల్వర్ పిక్సెల్ మీడియా వర్క్స్ వి.కె రాజు మాట్లాడుతూ.. దర్శకుడు ఉమా శంకర్ చక్కటి కథను సెలెక్ట్ చేసుకొన్నాడు. సాఫ్ట్ వేర్ బ్యాక్ డ్రాప్ లో వస్తున్న మొట్ట మొదటి సినిమా “సాఫ్ట్ వేర్ బ్లూస్”. చాలా మంది సాఫ్ట్ వేర్ ఎంప్లాయిస్ ది లగ్జరీ జీవితం అనుకుంటారు. చిత్ర దర్శకుడు సాఫ్ట్ వేర్ ఇంజినీర్ గా తను చేస్తున్న పెద్ద ఉద్యోగాన్ని వదులుకొని తనకు సినిమాపై ఉన్న ఫ్యాషన్ తో ..సాధారణ ప్రజలకు ఉన్నట్లే సాఫ్ట్ వేర్ ఎంప్లాయ్ కు కష్టాలు వుంటాయని ఈ మూవీ జేయడం జరిగింది. ఓటిటి లో ఆఫర్ వచ్చినా థియేటర్స్ లో రిలీజ్ చేయాలని జూన్ 24 న విడుదల చేస్తున్నాము అన్నారు.
దర్శకుడు ఉమా శంకర్ మాట్లాడుతూ… సాఫ్ట్ వేర్ జాబ్ చేస్తున్న వారి కష్టాలు ఎలా ఉంటాయి. వారికిచ్చిన టార్గెట్స్, టాస్క్స్ పూర్తి చేసే క్రమంలో వారు పడుతున్న టెన్షన్స్ ఎలా ఉంటాయి.. అనే చక్కటి కథాంశంతో వస్తున్న ఈ చిత్రం ఫన్నీ కామెడీ ఎంటర్ట్ టైన్ గా ఈ మూవీని రూపొందించడం జరిగింది. ఇందులో పాటలు చాలా బాగున్నాయి. ఇటీవలే ఈ చిత్ర ట్రైలర్ ను మంత్రి కె.టి.ఆర్ గారు విడుదల చేస్తూ సాఫ్ట్ వేర్ బ్యాక్ డ్రాప్ లో వస్తున్న ఈ చిత్ర ట్రైలర్ చాలా బాగుంది.మంచి కంటెంట్ తో వస్తున్న ఈ చిత్రం గొప్ప విజయం సాధించాలని అనడం మాకెంతో సంతోషం కలిగింది అన్నారు.
ఈ చిత్రానికి సంగీతం: సుభాష్ ఆనంద్, సినిమాటోగ్రఫీ: నిమ్మ గోపి, ఎడిటర్: వి.కె.రాజు.
