సెప్టెంబర్ 17న డిస్నీ హాట్‌స్టార్‌లో నితిన్ ‘మాస్ట్రో’

నితిన్ నటించిన 30వ చిత్రం`మాస్ట్రో`. ఈ సినిమా స్ట్రీమింగ్ డేట్‌ను తెలియ‌జేస్తూ విడుద‌ల చేసిన పోస్ట‌ర్‌లో..  నితిన్ న‌ల్ల‌ క‌ళ్ల‌ద్దాలు ధ‌రించి చేతిలో క‌ర్ర తో న‌డుస్తున్నాడు. ప్ర‌ధాన తారాగణం న‌భా న‌టేశ్‌, త‌మ‌న్నా భాటియా, వి.కె.న‌రేశ్‌, జిస్సుసేన్ గుప్తా పోస్ట‌ర్‌లో ఉన్నారు.రీసెంట్‌గా విడుద‌లైన ఈ సినిమా టీజ‌ర్‌, పాట‌లు, ట్రైల‌ర్‌ సినిమాపై జ‌బ్ క్రియేట్ చేశాయి.

‘మాస్ట్రో’.. బ్లాక్ కామెడీ క్రైమ్ థ్రిల్లర్ నేపథ్యంలో రూపొందిన ఈ చిత్రం డైరెక్ట్‌గా ఓటీటీలో రిలీజ్ అవుతోంది. ప్ర‌ముఖ డిజిట‌ల్ సంస్థ డిస్నీ హాట్ స్టార్‌లో సెప్టెంబ‌ర్ 17న ‘మాస్ట్రో’ స్ట్రీమింగ్ కాబోతున్న‌ట్లు ‘డిస్నీహాట్ స్టార్’ సంస్థ అధికారికంగా ప్రకటించింది. ‘మాస్ట్రో’లో కోసం డైరెక్ట‌ర్ మేర్ల‌పాక గాంధీ, హీరోయిన్స్ నభా నటేశ్, తమన్నాలతో కలిసి తొలిసారి చేసారు నితిన్‌. నభా నటేశ్ ఇందులో హీరోయిన్‌గా న‌టిస్తే, త‌మ‌న్నా ఓ కీల‌క పాత్ర‌లో క‌నిపిస్తారు.

మ‌హ‌తి స్వ‌ర సాగ‌ర్ సంగీతం అందిస్తున్న ‘మాస్ట్రో’ చిత్రానికి వై.యువ‌రాజ్ సినిమాటోగ్రాఫ‌ర్‌. రాజ్ కుమార్ ఆకెళ్ల సమర్పణలో శ్రేష్ఠ్‌ మూవీస్ బ్యానర్ పై ఎన్.సుధాకర్ రెడ్డి, నికిత రెడ్డి ‘మాస్ట్రో’ చిత్రాన్ని నిర్మించారు.